Një 40-vjeçar nga Saranda është arrestuar ditën e sotme pasi iu gjetën në banesë sasi farash narkotike cannabis sativa, granatë ofensive, dhe një radio dhënëse-marrëse me kanalet e Policisë. Bëhet me dije se, Hysni Selmanaj kishte siguruar fara dhe tentonte për të kultivuar bimë narkotike.
Pas informacioneve të marra, policia ushtroi një kontroll në shtëpinë e tij dhe në banesë ju gjetën dhe sekuestruan në cilësinë e provës materiale sasi farash të dyshuara narkotike cannabis sativa, një granatë ofensive së bashku me ndezësin, një radio dhënëse-marrëse me kanalet e Policisë.
Si pasojë, policia arrestoi Selamjan për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe i municionit” dhe “Mbajtja pa të drejtë e uniformës”. Ndërkohë, nuk dihet nëse ai kishte lidhje me persona të tjerë, por policia po vazhdon hetimet dhe marrjen në pyetje.
