Të paktën 100 kilogramë kanabis sativa janë kapur nga karabinierët në një fushë në Marano të Napolit.
Në pranga kanë përfunduar dy persona një 46-vjeçar italian dhe një 18-vjeçar shqiptar.
Marijuana ishte fshehur në bidonë plastikë të groposur e mbuluar me bar, por pa arritur t’i shpëtonin kontrollit të karabinierëve.
Gjatë kontrollit, përveç 112 kileve të marijuanës, karabinierët gjetën edhe 50 gramë hashash dhe materiale për ambalazhim, si dhe 49.210 euro të supozuara si të përfituara nga aktiviteti i paligjshëm.
Italiani dhe shqiptari, pa precedentë, u dërguan në burgun e Poggioreales, në pritje të procesit për akuzën e zotërimit dhe shitjes së lëndëve narkotike.
