Kaosi i krijuar në sallën e seancave plenare ditën e hënë ka tërhequr vëmendjen e mediave ndërkombëtare.
E ndërsa deri ditën e djeshme, protestat e deputetëve të opozitës në Kuvend po kalonin pa vëmendje ndërkombëtare, sot pati dy reagime brenda pak minutash nga Ambasada e SHBA dhe ajo e Britanisë së Madhe, që i apelonin palëve që të uleshin dhe të bashkëpunonin mes tyre.
Ndërkohë Lefigaro në Francë duke pasqyruar seancën e djeshme në Kuvendin e Shqipërisë shkruan se u panë skena surreale, ndërsa seanca u mbyll brenda 5 minutash, pasi mazhoranca socialiste bëri një votim në parim të projektbuxhetit të vitit 2024.
“Deputetët vendosën karrige rreth foltores së Kuvendit, ndezën tymuese jeshile dhe të kuqe dhe ndezën një zjarr të vogël i cili u përhap me shpejtësi në një tavolinë përpara se të shuhej. Lideri i opozitës dhe ish-kryeministri i krahut të djathtë, Sali Berisha, akuzoi qeverinë se po përpiqet t’I mbyllë gojën opozitës, duke shtuar se ai donte “të kthente pluralizmin në Parlament”, sipas Reuters.
Akuzat për korrupsion
Opozita kërkon që komisionet hetimore të shqyrtojnë akuzat për korrupsion ndaj kryeministrit socialist Edi Rama dhe anëtarëve të qeverisë së tij. Socialistët e kundërshtojnë, duke u shprehur se Kushtetuta nuk e lejon.
Megjithatë, një hetim për korrupsion u hap kundër Sali Berishës dhe dhëndrit të tij. Lideri i opozitës, i cili pretendon se është i pafajshëm dhe e quan një komplot politik, nuk mund të arrestohej për shkak të imunitetit të tij parlamentar.
Pas votimit të turbullt në Parlament, kryeministri Edi Rama akuzoi opozitën për “mbjellje të përçarjes, kaosit, dhunës” dhe siguroi se anëtarët e saj “do të shemben dhe do të rishfaqen copë-copë, si rrënojat e një anijeje të mbytur.
Kaosi i krijuar në sallën e seancave plenare ditën e hënë ka tërhequr vëmendjen e mediave ndërkombëtare.
E ndërsa deri ditën e djeshme, protestat e deputetëve të opozitës në Kuvend po kalonin pa vëmendje ndërkombëtare, sot pati dy reagime brenda pak minutash nga Ambasada e SHBA dhe ajo e Britanisë së Madhe, që i apelonin palëve që të uleshin dhe të bashkëpunonin mes tyre.
Ndërkohë Lefigaro në Francë duke pasqyruar seancën e djeshme në Kuvendin e Shqipërisë shkruan se u panë skena surreale, ndërsa seanca u mbyll brenda 5 minutash, pasi mazhoranca socialiste bëri një votim në parim të projektbuxhetit të vitit 2024.
“Deputetët vendosën karrige rreth foltores së Kuvendit, ndezën tymuese jeshile dhe të kuqe dhe ndezën një zjarr të vogël i cili u përhap me shpejtësi në një tavolinë përpara se të shuhej. Lideri i opozitës dhe ish-kryeministri i krahut të djathtë, Sali Berisha, akuzoi qeverinë se po përpiqet t’I mbyllë gojën opozitës, duke shtuar se ai donte “të kthente pluralizmin në Parlament”, sipas Reuters.
Akuzat për korrupsion
Opozita kërkon që komisionet hetimore të shqyrtojnë akuzat për korrupsion ndaj kryeministrit socialist Edi Rama dhe anëtarëve të qeverisë së tij. Socialistët e kundërshtojnë, duke u shprehur se Kushtetuta nuk e lejon.
Megjithatë, një hetim për korrupsion u hap kundër Sali Berishës dhe dhëndrit të tij. Lideri i opozitës, i cili pretendon se është i pafajshëm dhe e quan një komplot politik, nuk mund të arrestohej për shkak të imunitetit të tij parlamentar.
Pas votimit të turbullt në Parlament, kryeministri Edi Rama akuzoi opozitën për “mbjellje të përçarjes, kaosit, dhunës” dhe siguroi se anëtarët e saj “do të shemben dhe do të rishfaqen copë-copë, si rrënojat e një anijeje të mbytur.
