Mijëra afganë kanë mësyrë aeroportin e Kabulit me shpresën që mund të arratisen nga vendi pasi pushtetin e morën talebanët. Pamjet janë të dhimbshme duke na rikujtuar eksodin e madh shqiptar në fillim të viteve ’90.
Më herët, në rrjetet sociale qarkulluan video të njerëzve që bien nga avioni prej një lartësie të madhe, ndërsa sëfundmi ka dalë edhe momenti kur ata kanë rrethuar avionin teksa ai përpiqet të ngrihet.
Qindra qytetarë janë rreth një avioni të madh ushtarak amerikan me shpresën se mund të hipin aty për t’u larguar nga vendi i kontrolluar tashmë nga talebanët.
