Erion Trifoni është vënë në prangat e policisë, pasi dyshohet se ka kërcënuar një grua, duke e kanosur në këmbim të dhënies së parave.
Sipas njoftimit të policisë, Trifoni ka kanosur në mënyrë të përsëritur shtetasen G. V., nëpërmjet thirrjeve telefonike. Në datën 17.05.2022, në Rrugën e Barrikadave, në ambientet e biznesit të kësaj zonje, ai e ka kërcënuar atë duke i kërkuar asaj një shumë parash.
Trifoni iu dorëzua shërbimeve të Policisë Tiranë, për veprime të mëtejshme, për veprat penale “Shtrëngimi me anë të kanosjes ose dhunës për dhënie pasurie”, mbetur në tentativë dhe “Përdorimi me keqdashje i thirrjeve telefonike”.
