Një efektiv policie u plagos sot teksa ishte në aksion për kontrollin e territorit për kultivimin e kanabisit.
Mësohet se punonjësi me inicialet B.H, është rrëzuar aksidentalisht në malin e Sopotit.
“Gjatë kontrollit të territorit mbi Palohor në një terren të pyllëzuar e të thepisur, në afërsi të malit Sopot, punonjësi i Policisë B.H, duke kontrolluar në këmbë territorin është rrëzuar aksidentalisht dhe u dëmtua në shpatull dhe kokë. Menjëherë është transportuar në spitalin e Sarandës për ndihmë mjekësore. Pas ndihmës së parë të dhënë në spital, Polici i lënduar do të transportohet me helikopter për ndihmë më të specializuar në Tiranë. Ai ndodhet jashtë rrezikut për jetën”, sqaron policia.
