Ka nisur në orën 21:00 procesi i numërimit të votave për anëtarët e Këshillit Kombëtar. Në listën e sugjeruar janë emrat e 420 kandidatëve ndërkohë që në total Këshilli Kombëtar do të përbëhet nga 150 anëtarë të cilët do të kenë fituar numrin më të madh të votave nga delegatët e pranishëm në Kuvendin e 30 Prillit. Procesi i numërimit të votave po zhvillohet në selinë e Partisë Demokratike.
Më herët, pak minuta para përfundimit të procesit, ish-kryeministri Sali Berisha votoi dhe theksoi rëndësinë e procesit që sipas tij do të sillte edhe bashkimin e Partisë Demokratike. Ndërsa mes të tjerash, Berisha ka ftuar edhe gazetarët të ishin të pranishëm në procesin e numërimit të votave pasi çdo votë do të tregohej përpara kamerave.
