Partia Demokratike e cilëson paketën fiskale 2022, si më klienteliste dhe anti-biznes. Nënkryetarja e PD, Jorida Tabaku shkruan në një postim në “Facebook” se në Paketën Fiskale qeveria do të favorizojë përmes përjashtimit nga TVSH-ja importet e makinerive dhe pajisjeve të realizimit të kontratave, bizneset që kanë mbi 500 mln lekë duke hequr përjashtimin për biznese deri në 50 mln lekë duke dënuar me falimentim bizneset e mesme dhe ato të vogla.
Sipas saj, nga ky përjashtim fitojnë vetëm koncesionarët e mëdhenj të rrugëve me PPP. Deputetja e PD thekson se Shqipëria 2022 do të ballafaqohet me paketën më kienteliste që është aplikuar ndonjëherë në vend dhe se shqiptarët që janë mbi 30% të varfër në nivelin më të ulët të varfërisë do të paguajnë.
Postimi:
Paketa fiskale 2022 është paketa më klienteliste dhe anti biznes!
Qeveria është angazhuar edhe një herë për të shkruar një politikë fiskale që favorizon oligarkët dhe bizneset e tyre në kurriz të sipërmarrjes.
Në Paketën Fiskale qeveria do të favorizojë përmes përjashtimit nga TVSH-ja importet e makinerive dhe pajisjeve të realizimit të kontratave, bizneset që kanë mbi 500 mln lekë duke hequr përjashtimin për biznese deri ne 50 mln leke duke dënuar me falimentim bizneset e mesme dhe ato të vogla.
Kjo është vendimmarrje me standard të dyfishtë, thonë do heqim përjashtimet ndërkohë përjashtojnë vetëm të mëdhenjtë.
Më tej e njëjta mazhorancë që po i ul taksat oligarkisë dhe vetes së saj duke minuar dhe shkatërruar tregun e lirë, ka vendosur një akcizë për gazin e ngrohjes dhe gatimit.
Janë mbi 80% e familjeve që gjetën shpëtimin tek gazi për ngrohje dhe gatim kur çmimi i energjisë u rrit pas ardhjes në pushtet të qeverisë Rama.
Shqipëria 2022 do të ballafaqohet me paketën më kienteliste që është aplikuar ndonjëherë në Shqipëri. Shqiptarët që janë mbi 30% të varfër në nivelin më të ulët të varfërisë do të paguajnë.
#taksat #fiskalizimi #fiskalizimin #ardhurat #akcizat #biznesi #biznesim #biznes #biznesplan #tatimet #fiskal #Sipermarrje #sipermarrje #shqipëria #shqiperia #shqiperia?? #fermeret #fermerët #Opozita #opozita #partiademokratike #joridatabaku #JoridaTabaku
