Bukuria e saj është kaq natyrale, ndaj tërheq gjithmonë. Aktorja Jessica Alba ka pushtuar kopertinën e revistës së njohur “Cosmopolitan” ku ka bërë dhe disa deklarata të reja. Mamaja e dy fëmijëve ka deklaruar se përherë ka dashur të ishte e barabartë me meshkujt në industrinë e biznesit. “Gjithmonë doja të isha yll i madh, i rëndësishëm sa meshkujt” ka deklaruar ajo për revistën. “Isha agresive në këtë pjesë. Gjatë gjithë jetës sime, jam identifikuar më shumë me anën time mashkullore”.
Aktorja është ndër femrat më të pasura në Amerikë falë kompanisë së saj për produkte për mirëmbajtjen e shtëpisë. 34vjeçarja ka shkëlqyer në fotot e publikuara për numrin e muajit mars dhe ka treguar për suksesin e saj miliarda dollarësh.
