Kreu i PD Lulzim Basha nuk ka nguruar t’ia numërojë disa të vërteta në sy Ramës gjatë seancës së sotshme plenare. Pas akuzave të kryeministrit drejtuar opozitës, Basha në foltore ka deklaruar se vendi është kthyer në nyje të trafikanëve. Ndër të tjerash ai ka këshilluar ministrat e Ramës që t’i japin një gotë uji kryeministrit sepse i thahet fyti, ndërsa e cilësoi si “nona dhe baba e së keqes”.
“Kryeministrit lërjani gotën e ujit të mbushur që mos e ketë fytin e tharë. Dalka këtu për të përsëritur ato që thashë unë por të shtrembërua. Është nona e të keqes dhe baba e të keqes. Shikoni pak të dashur qytetarë se ku e vendos një debat që është për xhepat tuaja,” tha Basha.
Më tej kreu i PD-së, ka hedhur akuza të forta duke thënë se 5 shtete në samitin e Sllovenisë kanë vendosur që të mos hapin negociatat edhe nëse Bullgaria vendos që të heq veton ndaj Maqedonisë së Veriut.
“Në Slloveni 5 vende me shtetë kanë vendosur që të mos hapin negociatat edhe nëse Bullgaria vendos që të heq veton ndaj Maqedonisë së Veriut, sepse vendin e drejton një Lukashenko”, tha Basha.
