Kantautorit dhe këngëtarit Françesk Radi i është dhënë sot lamtumira e fundit. Homazhet në nderim të tij po mbahen në ambjentet e hollit të Radio Televizionit Shqiptar.
Familjarë, kolegë, miq të shumtë si dhe adhuruesit e muzikës së tij janë prezentë për të përcjellur për në banesën e fundit kantautorin. Homazhet nisën në orën 10:00 dhe do të vijojnë deri në orën 12:00.
Françesk Radi humbi jetën ditën e djeshme në Qendrën Spitalore “Nënë Tereza” pasi prej disa ditës ishte i shtruar aty për shkak se kishte pësuar një hemoragji cerebrale. Radi u nda nga jeta në moshën 68-vjeçare.
