Jennifer Lopez dhe Casper Smart i kanë dhënë fund lidhjes së tyre.
Ylli i muzikës Pop, e cila është 47 vjece, dhe balerini, i cili është 29 vjec, kanë qenë së bashku që nga viti 2011. Ata u ndanë në vitin 2014 por kjo ndarje nuk zgjati shumë pasi u ribashkuan sërish.
Një burim konfirmoi për revistën People se tashmë çifti “është ndarë” dhe se ata kanë vendosur të mbeten miq.
“Nuk ishte ndonjë gjë dramatike dhe ata kishin marrëdhënie të mirë. Ndarja erdhi në mënyrë natyrale. Ata do të mbeten miq dhe do të takohen me njëri-tjetrin, por nuk janë më bashkë,” u shpreh burimi për revistën.
