Janë regjistruar sërish tensione në protestën që po mbahet para Kryeministrisë, ku prej ditësh kërkohet dorëheqja e Kryeministrit Edi Rama.
Adriatik Lapaj së bashku me protestuesit e tjerë janë përplasur me policinë, pasi këta të fundit kanë tentuar ti largojnë nga ambjentet e institucionit qeveritar.
Ky është një episod i përsëritur tashmë ku Rama urdhëron vartësit e tij të largojnë protestuesit nga godina.
“Jemi shqiptarë, oo jemi jashtë gardhit”,- shprehen protestuesit, teksa përplasen me policët.
Adriatik Lapaj dhe aktivistët vijojnë prej ditësh tubimin te kryministria, ku kërkon dorëheqjen e Edi Ramës pas skandaleve që përfshinë qeverinë. Ata kanë paralajmëruar se nuk do të tërhiqen pavarësisht tensioneve dhe se protesta do të vijojë edhe në ditët në vazhdim.
