Jemeni shpall gjendjen e emergjencës për shkak të shpërthimit të sëmundjes së kolerës, e cila ka sjellë vdekjen e shumë personave në vend.
Kryqi i kuq njofton se numri i personave të prekur nga kjo sëmundje është trefishuar brenda një jave duke e çuar numrin në mbi 8 mijë e pesëqind persona, më së shumti në Sana.
Që nga 27 prilli deri më 13 maj ka patur mbi 100 persona që kanë humbur jetën për shkak të kësaj sëmundjeje, ka shtuar më tej Kryqi i Kuq.
OKB njofton se dy të tretat e popullsisë nuk pijnë ujë të pijshëm të sigurtë dhe kjo është një nga arsyet kryesore të përhapjes së kësaj sëmundjeje.
