Flamur Noka është përfshirë në sherr verbal me Enkelejd Alibeajn.
Noka ka përdorur fjalë të ulëta kundrejt Alibeajt.
“Je kokrra e legenit, ta tregoj unë pastaj. Këtu, këtu. Do vij të ta tregoj ty edhe atij tjetrit. Legen”, tha Noka.
Më pas, Noka “u kap” edhe me kryetaren e parlamentit, Lindita Nikolla, duke i thënë se e ka lënë jashtë listës së PD.
“Kushtetua, ligjet dhe rregullorja nuk zbatohet. Emri im shkruhet jashtë grupeve parlamentare. Ju vazhdoni të thoni se kush është kreu i kësaj force, i kërkova KQZ me thirrje, më dërguan një listë, emri im është me Berishën, Vokshin, Spahon në listën e PD. Zonjë më nxirr dokumentin ku unë kërkova të jem jashtë grupeve parlamentare, apo unë të iki nga PD. Më nxirr një vendim që na ka shpallur armik, ndryshe që nga nesër do të bëj gati një padi në GJK për shkelje të ligjit dhe rregullores, për sjelljen në Kuvend”, u shpreh Noka.
Nikolla tha se veprimtaria e PD nuk është çështje e ditës.
“Nuk është cështje e Kushtetutës dhe e Kodit Zgjedhor, por e grupit parlamentar. Kjo është cështje e brendshme e PD. E kam këtu dhe vendimin që vendos këtu për përjashtimin tuaj. Nuk është në rendin e ditës veprimtaria e PD”, deklaroi Nikolla.
