Modelja e njohur, Beniada Nishani, është një nga personazhet e “Big Brother Vip”, më të pëlqyer nga publiku i gjerë. Që kur ishte pjesë e shtëpisë më të famshme, ish-banorja u pëlqye nga publiku i gjerë për spontanitetin që e karakterizonte dhe çiltërsinë me të gjithë publikun. Së fundmi Beniada është shumë aktive në rrjetin e saj social Instagram ku poston video dhe foto nga rutina e saj.
Gjatë ditës së sotme, në Instastoryn e saj ajo ka publikuar video të tjera gazmore. Teksa është nën shoqërinë e mikeshës së saj, të cilën e quan Alda, modelja tregon se një nga pyetjet më të shpeshta që i bëhen në Shqipëri është “A je fejuar?”
“Sa erdha këtu në Shqipëri vazhdojnë më pyesin: Beniada je e fejuar? Beniada je e lidhur? Beniada ke gjetur një Don Zhuan? Po unë se dua Don Zhuan.”
Më tej ajo ka publikuar një tjetër video ku shprehet me shaka se çfarë burri do.
“Për çfarë duhet burri? Për të të fërkuar një çik, kështu e tha vjehrra Aldës. Ikën gratë ikën, me burrë pa burrë.”
Video të tilla në profilin e saj janë bërë tashmë normale, pasi modelja ndan shpesh me ndjekësit situata gazmore nga jeta e saj.
Kujtojmë se, në një video të publikuar pak ditë më parë Beniada rrëfeu gafën e fundit që i ka ndodhur gjatë pushimeve. Edhe Beniadës siç çdo shqiptari jashtë që i ka ndodhur të paktën një herë, edhe ajo ka “sharë” dikë me mendimin se është i huaj. E ndërkohë personi në fjalë ka qëlluar që është po ashtu shqiptarë.
