Sinoptikanët njoftojnë se nga dita e dielë pritet që në zonat verilindore të ketë reshje shiu. Ditën e hënë do të ketë ulje të temperaturave me 5-6 gradë Celsius.
Temperaturat do të nisin të ngrihen në mënyrë graduale në mesin e javës që vjen.
“Të dielën do të kemi mot fillimisht me kthjellime, më pas me vranësira drejt shtimit, që do të nxisin reshje shiu në mesditë dhe pasdite në pjesën veriore dhe veriperëndimore. Ndërsa gjatë natës vonë do të ketë reshje shiu, pjesërisht shtrëngata dhe stuhi, këto të përqëndruara në pjesën verilindore. Sa i përket jugut të vendit, ai do të jetë më pak i prekur”, tha më tej Esona Gjoni.
“Temperaturat do të pësojnë një rënie të ndjeshme ditën e hënë, prej 6-7 gradë Celsius. Gjithashtu do të ketë edhe erë të vrullshme në bregdet me një shpejtësi edhe mbi 15 m/s. Në det të hapur do të kemi dallgë me forcë 5-6 ballë”, shtoi Gjoni.
