Shoqata Patriotike Çamëria dhe Partia Drejtësi Integrim dhe Unitet kanë nisur homazhet në Varrezat Monumentale ” Trëndafilat e Çamërisë” në Kllogjer, Sarandë, në nderim dhe kujtim të jetëve të humbura nga Gjenocidi Grek mbi popullsinë e pafajshme të Çamërisë, 77 vjet më parë.
Kreu i Partisë Drejtësi Integrim dhe Unitet, Shpëtim Idrizi ka prezantuar edhe pllakatën e Varrezave Monumentale ” Trëndafilat e Çamërisë” në Kllogjer.
Gjatë fjalës së tij Idrizi u shpreh se varrezave monumentale të Kllogjerit do i bashkangjitet edhe një ekspozitë, për ta kthyer varrezat e Kllogjerit në një destinacion historik, kulturor si edhe patriotil për të gjithë shqiptarët.
“Dua të falenderoj të gjithë shqiptarët e Kosovës edhe shqiptarët e Maqedonisë së Veriut që na u bashkuan në Javën Çame. Do e fillojmë sot këtë aktivitet duke prezantuar sot pllakat që ne kemi bërë si Shoqata Çamëria edhe Partia Drejtësi Integrim dhe Unitet sigurisht për tia dhënë varrezave monumentale të Kllogjerit të cilën do e pasurojmë edhe me një ekspozitë, për ta kthyer varrezat e Kllogjerit në një destinacion historik, kulturor dhe patriotik për të gjithë shqiptarët”, u shpreh Idrizi gjatë prezantimit të pllakatës së Varrezave Monumentale ” Trëndafilat e Çamërisë” në Kllogjer.
