Pas vrasjes së ish-kryeministrit Shinzo Abe, japonezët iu drejtuan kutive të votimit që mund t’i japin Partisë Liberale Demokratike në pushtet mbështetje edhe më të madhe. Pjesëmarrja ishte 23%. Zgjedhjet shihen zakonisht si një referendum për qeverinë në detyrë. Sondazhet e opinionit para vrasjes treguan tashmë një shfaqje të fortë për bllokun qeverisës të udhëhequr nga kryeministri Fumio Kishida.
Ndërsa kombi mban zi, Partia Liberal Demokratike dhe partneri i saj i vogël i koalicionit Komeito mund të përfitojnë nga këto zgjedhje kanë bërë të ditur analistët politikë.
Partia Liberal Demokratike gjatë fushatës zgjedhore ofroi një platformë për mbrotjen e vendit si dhe përmirësimin e perspektivës ekonomike me dy shtyllat kryesore në platformën e saj partiake që ishin “Mbrojtja e Japonisë” dhe “Ndërtimi i së Ardhmes”.
Sondazhet javën e kaluar treguan se LDP-ja mund të arrinte të merrte të paktën 60 nga 125 vendet, duke e lejuar atë të ruajë shumicën. Vrasja e Shinzo Abe tronditi botën , ndërsa liderët e vendeve të ndryshme e dënuan si sulm ndaj demokracisë. Policia japoneze pranon se në tubimin e elektoral në qytetin jugor të Naras ka patur probleme me sigurinë.
Sipas Reuters vigjilenca ishte e ulët dhe atentatori shfrytëzoi me lehtësi të gjitha hapësirat për të vrarë ish-kryeministrin. Megjithatë, sulmet me armë janë tepër të rralla në Japoni dhe kjo është një nga arsyet pse forcat e sigurisë u gjetën të papërgatitura.
Nga të dhënat e reja hetimore rezulton se në shtëpinë e Tetsuja Jamagami, u zbulua veç sasive të mëdha të lëndëve shpërthyese, edhe një armë tjetër artizanale me 9 tyta, e krijuar krejtësisht prej tij. Pjesët përbërëse i kishte prej druri dhe çeliku dhe i kishte porositur në internet. Arma komandohej edhe përmes smartfonëve. Mediat japoneze shkruajnë po ashtu se Jamagami ishte pjesë e një shoqërie misterioze fetare.
