Këngëtarja e njohur Tuna dhe Patris Berisha, të cilët kanë dy fëmijë së bashku, janë përfolur për një ribashkim pasi kaluan disa ditë pushimesh në Dubai pak kohë më parë. Pavarësisht këtyre thashethemeve, çifti ka preferuar që të mos reagojë publikisht.
Të gjitha dyshimet i ka shuar Robert Berisha në një intervistë që ka dhënë së fundmi ku ka folur për Tunën e të vëllain duke shuar kuriozitetin e madh nëse dyshja janë ende bashkë. Ai u shpreh se keqkuptimet mes çiftit janë sqaruar dhe të dy vijojnë bashkëjetesën.
“Ata jetojnë bashkë, kanë dhe fëmijën e dytë që kishte ditëlindjen tani afër. Jetojnë në Shkup. Patrisi udhëton dhe ata janë bashkë, përderisa ai jeton në Shkup ata duhet të jenë bashkë. Për më shumë të kishte dhënë përgjigje më mirë Tuna se ka kohë pa dalë në intervista, të japë përgjigje për jetën e vetë personale.”
Këngëtari ka treguar se ai nuk ka pasur kurrë raporte të mira me Tunën dhe madje nuk ka pranuar asnjëherë të jetë i pranishëm në festat familjare me të. Ai është shprehur se e respekton zgjedhjen e vëllait, por Tunën e ka bërë pjesë të një liste të zezë. Madje ka kaluar deri në kërcënime për të duke i thënë të mos guxonte të merrej me të apo t’i ndërpriste marrëdhëniet e tij me vëllain.
