Kanë kaluar disa ditë nga gjetja e jahtit misterioz në Detin Adriatik dhe ende nuk është gjetur asnjë gjurmë e kapitenit Sezgin Yavuz.
Kujtojmë që jahti me emrin “Atik Bey” u gjet i braktisur disa ditë më parë në ujërat ndërkombëtar në Detin Adriatik, 12 milje larg bregdetit të Shëngjinit.
Bashkëshortja e kapitenit 31-vjeçar Sezgin Yavuz, Vesile Yavuz u bën thirrje autoriteteve turke të ndihmojnë në gjetjen e burrit të saj, me të cilin ajo është edhe shtatëzënë tre muaj e gjysmë.
Në një prononcim për gazetarët 26 vjeçarja tha se i shoqi i saj kishte dalë jashtë shtetit para dy muajve dhe se një javë më parë ka marrë rrugën për t’u kthyer, shkruan AA.
“Para dy muajsh ka ikur jashtë shtetit. Në 4 shtator me telefonoi për herë të fundit, më tha që do shkonte në Korfuz. Kemi folur në mëngjes. Do të telefonoj pas dy ditësh më tha sepse ne flisnim me internet. Pas tre ditësh erdhi lajmi që u gjet jahti dhe burri im nuk gjendej. Më njoftuan pronarët e anijes që burri ka humbur sepse nuk arrinin të kontaktonin me të. Mjeti është gjetur në gjendje aktive por bashkëshorti im nuk ka qenë brenda. Ende nuk është gjetur. Kërkoj ndihmë nga zyrtarët tanë të lartë të shtetit. Dua që bashkëshorti im të kthehet. Bija ime pyet për babain e saj dhe unë nuk mund t’i them asgjë”, tha gruaja e kapitenit turk.
