Ditën e sotme (25 mars) nis zyrtarisht fushata zgjedhore për zgjedhjet e përgjithshme që do të zhvillohen më 25 prill.
Pak orë na ndajnë nga çelja e fushatës e planifikuar të nisë në orën 17:00, teksa po vendosen elementet e fundit. Tre tabela me sloganin “Shqipëria fiton”, “Bashkë për ndryshim” dhe “Voto 9, Partia Demokratike”.
Partia Demokratike që është partia më e madhe opozitare, hap fushatën e saj. Bëhet e ditur se PD-ja nuk ka bërë thirrje për qytetarët dhe në shesh pritet të jenë vetëm kandidatët për deputetë. Kreu i kësaj partie, Lulzim Basha, pritet që të listojë pikat e programit të tyre qeverisës.
