Gazment Bardhi, Kryetari i Grupit Parlamentar të Partisë Demokratike, ka reaguar pas takimit me kryetaren në detyrë të OSB-së në Tiranë, ndërsa akuzon Kryeministrin Edi Rama se nuk lejon përfaqësimin e opozitës në komisionin e reformës zgjedhore.
Bardhi, Bylykbashi, Mediu e Vasili ishin deputetët nga opozita që u takuan me Ambasadoren e OSBE-së, e cila një ditë më parë takoi edhe Enkelejd Alibeajn dhe Damian Gjiknurin që njihen nga mazhoranca socialiste si bashkëkryetarë të Komisionit të Posaçëm për Reformën Zgjedhore.
“Përfaqësues të opozitës u takuan sot me Kryetaren në Detyrë të Prezencës së OSBE-së zj. Pasztory.
Riktheksuam se për opozitën Reforma Zgjedhore është një pritoritet, që është bllokuar dhe po vazhdon të bllokohet nga Edi Rama, duke mos lejuar përfaqësimin e opozitës në këtë Komision”, sqaron Bardhi.
Përfaqësues të opozitës u takuan sot me Kryetaren në Detyrë të Prezencës së OSBE-së zj. Pasztory. Riktheksuam se për opozitën Ref. Zgjedh është një pritoritet, që është bllokuar dhe po vazhdon të bllokohet nga ER, duke mos lejuar përfaqësimin e opozitës në këtë Komision. pic.twitter.com/tjr8rgy2Ou
— Gazment Bardhi (@GazmentBardhi) January 17, 2024
