Ish-truproja i Sali Berishës Izet Haxhia ka dorëzuar sot kërkesën për rigjykim në gjykatën e Tiranës. Avokati i Izet Haxhisë kishte paralajmëruar dhe më herët rihapjen e çështjes së klientit të tij.
Izet Haxhia është dënuar me 25 jet në mungesë, si bashkëpunëtor në vrasjen e Azem Hajdarit, në vitin 1998. Izet Haxhia u ekstradua në Shqipëri pas 19 vitesh, pasiu iu vetëdorëzua autoriteteve turke.
Sot Fran Dashi ka paraqitur kërkesën për rivendosjen në afat të ankimimit ndaj vendimit për Izet Haxhinë. “Edhe Gjykata e Shkallës së parë të rrethit gjyqësor Tiranë në vitin 2001 ka deklaruar largimin e të pandehurit, duke caktuar avokat kryesisht dhe duke bërë gjykimin në mungesë në të gjitha shkallët e gjykimit. Ne kemi besimin e plotë se çështja do të shkojë drejt rihapjes”, tha avokati Dashi më 9 maj.
