“Diplomacia dhe politika e Serbisë vazhdimisht i ka nënçmuar shqiptarët, ky ishte gabimi më i madh historik”, ka deklaruar lideri i serbëve të veriut të Kosovës, Oliver Ivanoviç.
Ivanoviç theksoi se ne kemi shumë paragjykime për shqiptarë, por në fakt nuk dimë shumë për ta. Për historinë e tyre, për kulturën, traditën dhe të tjerat.
Sipas tij, politika serbe ka menduar se shqiptarët kanë qasje tradicionale dhe nuk mund të jetojnë me të tjerët, e këtu është bërë edhe gabimi.
“Mendoj se serbët dhe shqiptarët mund të bashkëjetojnë vetëm kur gjendet interes i madh i përbashkët, realiteti i ri në Kosovë, çdo ditë e më shumë ka filluar të pranohet nga serbët. Sidomos nga ata serbë që jetojnë në Kosovë”, tha Ivanoviç.
