Kreu i grupit të seksionit të PD-së, Ilgner Vora në Shijak ka reaguar pas sulmit që ka ndodhur me tritol ndaj banesës së tij.
Në deklaratën e tij për mediat, Vora është shprehur se deri më tani nuk ka asnjë dyshim dhe pse sipas tij e vetmja pistë mund të jenë denoncimet politike që ato kanë bërë.
Ndër të tjera, Vora thekson se në banesë jetojnë 12 pjesëtarët e familjes së tij mes të cilëve dhe fëmijë të vegjël.
“Një tritol i shpërthyer pranë derës së banesës ku ne jetojmë në mesnatën e djeshme. Deri më tani nuk dimë asgjë në lidhje me personat që mund të jenë përfshirë në këtë ngjarje. Sa i përket politikës unë prej tre vitesh jam kryetar i PD për qytetin e Shijakut. Ne akoma nuk kemi dyshime dhe presim përgjigje. Vëllai im është 16 vjeç. Unë kam vite që jetoj në këtë lagje dhe qytet dhe ne asnjëherë nuk kemi pasur problem me konfliktet përveç denoncimeve politike. Ne jemi familje e madh jemi 12 anëtarë të familjes që banojmë në këtë banesë”, ka thënë ai.
