Pas zhdukjes së 49 kutive me banane, brenda të cilave dyshohej se fshihej kokainë, kompania “Bana King” është vënë nën kontrollin e autoriteteve shqiptare. Ndërkaq, sipas hetimeve janë zbuluar detaje të reja lidhur me itinerarin e kutive me banane para se të mbërrinte nga Ekuadori në portin e Durrësit, rezulton të ketë qëndruar në zonat tranzit , në dy porte të tjera në Afrikë dhe Itali.
Bëhet me dije se janë bërë dy ndalesa në shtete të ndryshme, ka dyshime se mund të jetë hapur edhe në Itali ose në Marok. Sipas burimeve, kontejneri që rezultoi i hapur dhe me plumbçe të dëmtuar, kishte 49 arka të mbushura me kokainë me një sasi të përafërt mbi 1 kg. Por ka dyshime se mund të jetë hapur në Casablanca, ku ka qëndruar në zonë tranziti. Megjithatë nuk ka qenë pikë ndalimi i vetëm. Ngarkesa ka ndaluar edhe “Goia Toauro”, ku sërish ngarkesa e porositur nga biznesmeni Trifon Murataj, ka qëndruar në zonë tranziti.
Këto dyshime vijnë pas precedentit të rastit të parë, ku në dhjetor 2021 në një kontejner të “Bana King” u sekuestruan 119 kg kokainë. Kontejneri i “Bana King” ishte hapur në portin italian të “Goia Toauro”, duke ju dëmtuar vulat sigurisë dhe më pas hequr një pjesë e konsiderueshme e arkave.
