Ministri i Shëndetësisë në Itali ka njoftuar se udhëtarët që vijnë nga Rumania dhe Bullgaria do të detyrohen që të futen në karantinë.
Me anë të një njoftimi në Twitter, Roberto Speranza bëri me dije se shkak për këtë lëvizje të radhës duket të jetë konfirmimi i disa rasteve të importuara.
“Sapo kamë firmosur një urdhër që kërkon karantinë për personat që kanë qëndruar në Rumani dhe Bullgari në 14 ditët e fundit. Kjo masë është aktualisht në fuqi për shtetasit nga vendet jashtë BE dhe Schengen. Ky virus nuk është mundur dhe vijon që të qarkullojë. Duhet ende një kujdes i madh,” shtoi Speranza.
Rumania duket se është vendi që po regjistron numër të lartë rastesh ditore së fundmi. Brenda ditës vendi regjistroi 1,112 raste me Covid-19 ndërsa totali i të infektuarve ka shkuar në 41,275.
