Një shofer kamioni me origjinë shqiptare humbi jetën në një aksident rrugor në Itali.
I ndjeri 54 vjeçar, emri i të cilit nuk bëhet i ditur vdiq pas përplasjes midis dy automjeteve të ndodhura në një autostradë pranë Modenas.
Një mjet i tretë u përfshi gjithashtu në aksident. Policia e rajonit të Modenas dhe zjarrfikësit shkuan në vendin e ngjarjes.
Mediat italiane shkruajnë se shqiptari jetonte në Piacenza, ndërsa humbi jetën menjëherë pas përplasje për shkak se u mbërthye keqas në kabinën e mjetit të rëndë.
Aksidenti shkaktoi radhë të gjata automjetesh në drejtim të Modenas.
