Grupi militant Shteti Islamik, ka humbur 45% të territorit që dikur e kishte nën kontroll në Irak, ndërsa në Siri ka humbur afro 20% të territorit.
Kështu ka thënë vonë zëdhënësi i Pentagonit, Peter Cook.
Forcat e Shteteve të Bashkuara dhe Irakut vazhdimisht kanë theksuar se si grupi ekstremist Shteti Islamik, është tërhequr gjatë javëve të fundit, megjithse pjesëtarët e tij kanë ndërmarrë sulme vdekjeprurëse kundër objekteve civile në Bagdad dhe në vendbanimet e tjera.
Ushtria e Shteteve të Bashkuara thotë se Shteti Islamik, po ashtu ka humbur sasi të rëndësishme të parave të gatshme dhe të rezervave të naftës, të cilat vazhdimisht ishin në shënjestër të sulmeve ajrore amerikane.
Prej fillimit të këtij viti, Shteti Islamik ka humbur kontrollin në qytetet Ramadi dhe Heet, ndërsa e ka mbajtur komntrollin në Falluxha dhe Mosul, që është qyteti i dytë më i madh në Irak.
Gjatë vitit 2014, grupi ekstremist Shteti Islamik, krijoi përfitime fillestare të shpejta duke pushtuar territore të mëdha në Irak dhe Siri.
