Kreu i PD, Sali Berisha ka deklaruar se vendimi i kryeministrit Edi Rama për tu tërhequr nga rritja e çmimit të energjisë, ka ardhur si pasojë e presioneve të bëra ndaj tij.
“U dorëzua, para jush i kam dhënë një ultimatum, në mënyrë të përsëritur, po e rrite çmimin do marrësh atë që meriton, por sidoqoftë vendimi i tij për t’u tërhequr nën presion çfarë do të thotë. Se vetëm presioni funksionin me këtë njeri. Do ju tregoj disa mesazhe të qytetarëve, do iu them se guxoi por nuk guxoi, bëri sikur guxoi por u tërhoq, u palos”, tha Berisha.
Kujtojmë se më herët, kryeministri Edi Rama njoftoi vendimin e qeverisë për tu tërhequr nga rritja e çmimit të energjisë elektrike për çdo konsumator që kalon fashën e energjisë 800 KW, kjo për shkak të reshjeve të shiut që sollën rritje të furnizimit me energji.
