Gjatë 24 orëve të fundit janë regjistruar 14 raste të reja me koronavirus, duke e çuar në 750 numrin total të të prekurve në vend.
Drejtoresha e Institutit të Shëndetit Publik, Albana Fico dha lajmin e mirë se 9 pacientë i janë shtuar listës së të shëruarve gjatë 24 orëve të fundit. Kështu në total numri i atyre që kanë fituar betejën me këtë sëmundje ka shkuar në 431.
Prej disa ditësh numri i të shëruarve vijon të jetë më i lartë krahasuar me atë të të prekurve aktivë. Aktualisht në vendin tonë, janë 289 persona aktivë me COVID-19.
Mësohet se në spitale gjenden 32 persona të shtruar. Nga këta, 5 persona janë në terapi intensive.
Nga këta pacientë, 27 janë të shtruar në te Infektivi, ku 3 prej ndodhen në terapi intensive. Në spitalin “Covid 2” te “Shefqet Ndroqi” janë 5 pacientë të shtruar, ku 2 prej tyre janë në terapi intensive, në gjendje të rënduar.
