Zyrtarë të lartë në Uashington thanë se ish-ministri rus i Medias, Mikhail Lesin, i cili ishte gjetur i vdekur në një hotel në kryeqytetin amerikan në muajin nëntor, ka vdekur nga “dëmtime të rënda në kokë”.
Kjo tregon se ish-aleati i presidentit rus Vladimir Putin, mund të jetë vrarë.
Shefi i Zyrës së Mjekësisë Ligjore nga ky qytet tha përmes një deklarate dhënë Radios Evropa e Lirë, se faktorët e tjerë që kanë ndikuar në vdekjen e Lesinit janë “lëndime e rënda” në qafë.
Zyra e Mjekësisë Ligjore tha se rasti ende është i hapur dhe nuk dha komente të tjera shtesë.
