Fqinjët e Merushe Hazizit në shtëpinë e babait të saj kanë folur për vrasjen e rëndë që tronditi Roskovecin, ku vjehrri masakroi me thikë nusen e djalit.
Fqinjët shprehen se ishin në dijeni të situatës që po kalonte 30-vjeçarja e cila nuk pranohej nga vjehrri për shkak se ajo kishte qenë e martuar më parë dhe ishte nënë e 3 fëmijëve. Një prej tyre thotë se ish burri e kishte kërkuar 3 herë Merushen pasi ishin ndarë por kjo nuk kishte pranuar të kthehej.
“Ka ardhur 3 herë e ka kërkuar ish burri. Me atë u nda dhe nuk donte të vente më te ai dhe u lidh me këtë djalin këtej. Ish-burrin e kishte nga Berati. Nuk e donte nuse për djalë vjehrri. Unë e njoh për vajzë të mirë janë të tëra punëtore si motra. Problemi ishte se vjehrri nuk e donte s’e përse djali la nusen e parë dhe mori këtë. Ai erdhi tre herë. Po kjo nuk pranoi”, tha një grua.
Xhevair Hoxha nuk e pranoi kurrë bashkëjetesën e të birit, Fatjonit me Merushe Hazizin. Prej tre vjetësh ata kishin debate të vazhdueshme deri sa dje 61-vjeçari e masakroi me thikë 30-vjeçaren në tualetin e banesën e tyre në fshatin Vidhisht të Roskovecit dhe më pas i dha fund jetës duke u vetëvarur në pemë.
