Një mama ka vendosur të ironizojë një nga reklamat më të famshme të veshjeve të brendshme nga Calvin Klein.
Ajo ka vendosur që pa asnjë lloj turpi t’i tregojë botës “mangësitë” në trupin e saj pasi është bërë mama dhe në barkun e saj ka vraga në lëkurë.
Brenda DeRouen vendosi që të rikrijonte reklamën ku pozon modelja Kendall Jenner për shtëpinë e modës Calvin Klein dhe në plan të parë vuri strijat e barkut të saj.
Qëllimi i saj ishte që t’u tregonte femrave të tjera se është në rregull të mos e kenë barkun e përsosur si modelet.
Brenda në blogun e saj ka shkruar se kur e kishte parë shenjën e parë në lëkurë gjatë shtatzënisë ishte tmerruar dhe kishte filluar të përdorte preparate të ndryshme, dhe pasi e kishte lindur fëmijën ishte turpëruar nga paraqitja e saj. Por pavarësisht përpjekjeve të mëdha nuk mundi t’i largonte shenjat në bark. Me vite të tëra e kishte urryer trupin e saj, por tani ka vendosur ta pranojë siç është dhe të krenohet për këtë.
“Kam vendosur që të mos turpërohem më nga trupi im dhe të mos e lejoj shoqërinë që ta përcaktojë se si duhet të jetë bukuria e një gruaje”, thotë ajo duke u bërë e famshme në internet për veprim e saj.
