Irani ka bërë të ditur se forcat e saj të armatosura kanë testuar disa raketa balistike në gjithë vendin, si pjesë e stërvitjeve ushtarake.
Agjencia iraniane e lajmeve ISNA ka thënë se provat nga Garda Revolucionare kanë për qëllim të tregojnë “forcën parandaluese të Iranit dhe po ashtu aftësinë e Republikës Islamike për t’u përballur me çdo kërcënim”.
Shtetet e Bashkuara në janar vunë sanksione të reja kundër 11 kompanive dhe individëve për furnizimin e programit të raketave balistike të Iranit.
Ky veprim ka ardhur gati në të njëjtën kohë kur Uashingtoni ka hequr shumë sanksione kundër Iranit, në kuadër të një marrëveshjeje për frenimin e programit bërthamor të Republikës Islamike.
