Sopranoja shqiptare me famë botërore do të ngjitet në skenën e Teatrit të Operas të Beogradit për të kënduar La Boheme të Puçinit, por ndërkohë ajo është pritur si personalitet me rëndësi nga zyrtarët serbë. Vetë kryeministri serb Aleksandër Vuçiç e ka pritur në zyrë dhe ka vlerësuar këtë ngjarje si një shkëmbim kulturor mes dy vendeve. Nëpërmjet një postimi në rrjetin social twitter, ai shkruan se biseda mes tij dhe sopranos ishte orientuar drejt rritjes së bashkëpunimit kulturor mes Shqipërisë dhe Serbisë.
Inva Mula nuk është e para soprano shqiptare që këndon në Beograd, pasi në të njëjtën skenë dhe me të njëjtin rol për herë të parë në vitin 1945 është ngjitur një tjetër soprano shqiptare, e madhja Tefta Tashko Koço.
Sopranoja shqiptare me famë botërore do të performojë më datë 25 Maj në Teatrin Kombëtar të Serbisë.
Performanca e Inva Mulës vjen fale bashkëpunimit midis Teatrit Kombëtar serb dhe Teatrit Kombëtar të Operas dhe Baletit në Tiranë.
