Ambasadorja amerikane Yuri Kim ka reaguar pas thirrjes së Prokurorit të Përgjithshëm Olsian Çela lidhur me krimet zgjedhore. Në një postim në Twitter, diplomatja amerikane shkruan se SHBA-të e mbështesin thirrjen e prokurorit Çela për të intensifikuar hetimin për këto raste.
Reforma në drejtësi, vijon Kim, kërkon që prokurorët të vazhdojnë punën e tyre të pavarur dhe me integritet.
“Asnjë nuk është sipër ligjit,” shkruan ambasadorja Yuri Kim.
POSTIMI
Prokurori i Përgjithshëm Çela u dërgoi sot një shkresë prokurorëve të prokurorisë së juridiksionit të përgjithshëm për të intensifikuar masat administrative dhe procedurale për hetimin dhe ndjekjen penale të veprave penale në fushën e zgjedhjeve.
