Avokati i Popullit, Igli Totozani, tha se lidhur me intitucionet e vetting-ut plotësojnë kriteret për të qënë kandidatë pas dorëzimit të dokumentave plotësuese 84 aplikantë.
Për 27 vendet në organet e rivlerësimit kalimtar të gjyqtarëve dhe prokurorëve kishin aplikuar 193 kandidatë.
Me anë të një deklarate për shtyp Avokati i Popullit sqaroi se nëse në insitucion, gjatë këtyre ditëve, do të mbërrijnë zarfe me dokumenta kandidatësh, që mbajnë vulën e postës me datën e dorëzimit brenda 27 Marsit, (që është edhe afati ligjor i pranimit të tyre), këto dokumenta do të konsiderohen të vlefshme, si dhe do t’i nënshtrohen procesit të vlerësimit nga ana jonë, së bashku me ekspertët e ONM-së.
Aktualisht Avokati i Popullit i ka dorëzuar ONM-s, Listën me emrat e kandidatëve, të cilët i kanë plotësuar kriteret formale, por dhe ata që nuk i kanë plotësuar.
