Parlamenti i Indonezisë pritet të miratojë një ligj të ri penal këtë muaj që do të dënojë seksin jashtë martesës me burgim deri në një vit.
Bambang Uuryanto, një politikan i përfshirë në draft, tha se kodi mund të miratohet që në fillim të javës së ardhshme.
Ligji, nëse miratohet, do të zbatohet si për qytetarët indonezianë ashtu edhe për të huajt. Ndëshkimi për tradhtinë bashkëshortore mund të hyjë në fuqi vetëm nëse ka palë që ankohen tek autoritetet.
Për ata që janë të martuar, pala që ka të drejtë të ankohet është burri ose gruaja e autorit. Ligji gjithashtu lejon që prindërit e personave të pamartuar t’i denoncojnë për marrëdhënie seksuale.
Gjithashtu do të ndalohet bashkëjetesa para martesës dhe të dënuarit mund të dënohen me gjashtë muaj burg. Grupet e biznesit kanë shprehur shqetësimin për dëmin që rregullat mund t’i bëjnë imazhit të Indonezisë si destinacion pushimesh dhe investimesh.
Shinta Uidjaja Sukamdani, nënkryetar i Shoqatës së Punëdhënësve të Indonezisë (APINDO), tha: Për sektorin e biznesit, zbatimi i këtij ligji zakonor do të krijojë pasiguri ligjore dhe do t’i bëjë investitorët të rishqyrtojnë investimin në Indonezi.
