Ish-nënkryetarja e Komisionit Hetimor për inceneratorët, Jorida Tabaku ka risjellë dhe njëherë në vëmendje një pjesë të fjalës së saj në Komisionin për inceneratorin e Tiranës ku sulmon kryetarin e Bashkisë Erion Veliaj.
Sipas Tabakut, Veliaj ka qenë në dijeni të projektit, dhe nuk lajmëroi Këshillin Bashkiak por orkestroi vjedhjen e mbi 330 mln eurove në aferën e inceneratorit, duke stisur një kontratë për të marrë taksat e qytetarëve.
“Ndërsa shqiptarët mësojnë përditë e më shumë për aferën 430 mln € rë incenerstorëve shumë kush pyet për Tiranën. Nuk janë gabim! As mendojnë gabim! Pasi faktet që mund ti ndiqni më video flasin vetë. Erion Veliaj ka qenë në dijeni të projektit, kurrë nuk lajmëroi Këshillin Bashkiak dhe orkestroi me Grupin e Strukturuar Kriminal vjedhjen e mbi 330 mln eurove në aferën e inceneratorit të Tiranës. Shqipëria sot është në një krizë të thellë ekonomike, paguan sot e kësaj dite inflacionin sepse kontrata është stisur kështu. Një kontratë e tillë që merr nga taksat e shqiptarëve për një incenerator inekzistent flet vetë”, shkruan Tabaku.
Ndër të tjera, deputetja demokrate i bën thirrje SPAK që të veprojë për të kthyer sundimin e Ligjit!
