Në seancën e sotme të Komisionit Hetimor për Inceneratorët janë të pranishëm edhe dy përfaqësues te Ambasadës Britanike në Tiranë. Përfaqësuesit e ambasadës janë të pranishëm në seancën e komisionit me kërkesën e tyre, ndërsa po vëzhgojnë deklaratat e dëshmitarëve.
Aktualisht në komision po jep dëshminë e tij kryetari i Bashkisë së Tiranës, Erion Veliaj i cili është përplasur disa herë me kryetaren e Komisionit, pasi sipas saj ai po gënjen në deklaratat e tij.
Në vijim, pritet të dëshmojë edhe sekretari i Përgjithshëm i Kryeministrisë Engjëll Agaçi, ish ministri i Infrastrukturës Damian Gjiknuri dhe deputeti socialist Alqi Bllako.
