Lirohet nga burgu me vendim të Gjykatës së Tiranës, Fredi Alizoti, i cili pranoi se ka imituar zërin e Geron Xhafës, vëllai i ish-ministri të Brendshëm, Fatmir Xhafaj, gjatë bisedës telefonike me Albert Veliun i njohur si Babalja i Vlorës.
Alizoti ka përfunduar dënimin prej dy vitesh burgim nga Gjykata e Shkallës së Parë, por duke qenë se qendroi 1.5 vite në paraburgim, tashmë është liruar.
Çështja Babalja
Çështja e njohur si “Babale” u bë një temë e nxehtë e politikës shqiptare, duke e bërë situatën më të polarizuar, pasi opozita pretendonte se ish-ministri i Brendshëm Fatmir Xhafaj kishte mbrojtur vëllanë e tij, Agron Xhafaj, të dënuar me 7 vjet e 4 muaj burg në Itali.
Pasi u publikua audio-përgjimi, Agron Xhafaj u dorëzua tek autoritetet italiane dhe është në qeli, ndërsa Prokuroria nisi paralelisht një hetim. Opozita tha se këto hetime bëhen për të mbrojtur trafikantët e drogës dhe për të kërcënuar ata që kanë kurajon të denoncojnë.
