Identifikohet i riu që u vra në Babicë të Vlorës, viktima quhet Xhuljan Bullari.
Mësohet se i riu është qëlluar me një plumb në kokë dhe është gjetur i pajetë në makinën me të cilën udhëtonte, tip “Fiat Punto” me targa “TR 3784 R”. Ngjarja e rëndë është shënuar në zonën e quajtur “Qafa e Topit” në afërsi të fshatit Babicë në një rrugë dytësore.
Sipas të dhënave paraprake kanë qenë kalimtarët të cilët e kanë parë të gjakosur në makinë të riun dhe më pas kanë njoftuar policinë rreth orës 07:35.
Makina që përdorte viktima rezulton në pronësi të një vajze nga Tirana. I riu është ekzekutuar me një plumb në kokë, ndërsa policia po punon për zbardhjen e plotë të ngjarjes.
