Sandër Deda është 32- vjeçari që u kërcënua një ditë më parë me armë zjarri në Lac disa ditë më parë.
Deda ka deklaruar në polici se ka qenë duke lëvizur me automjetin e tij në drejtim te banesës në momentin që ka dëgjuar të shtënat. Ai është shprehur se në drejtim të kundërt me të është afruar një mjet.
Personat që ndodheshin brenda tij kanë qëlluar me armë zjarri në ajër dhe më pas janë larguar. Deda është larguar i frikësuar nga shinat e trenit drejt banesës, por ka bërë edhe një denoncim në polici.
Policia ka identifikuar dhe shpallur në kërkim autorët e ngjarjes, por për shkak të hetimeve nuk i ka bërë publikë emrat e tyre. Arsyet mbeten të paqarta. Vetë Sandër Deda nuk rezulton të jetë një person me precedent penalë dhe nuk dihet nëse ky ka qenë vërtet një kërcënim për të.
