Autoriteti Rrugor Shqiptar ka reaguar në lidhje me ngjarjen që ndodhi me urën e fshatit Ferras, ku disa persona, që tashmë qëndrojnë pas hekurave vodhën për skrap elemente metalike, duke i shitur për skrap.
ARRSH-ja, në një reagimin e bërë publik, dënon këtë ngjarje dhe thotë se “nuk do të tolerojë asnjë rast të tillë dhe së bashku me institucionet e tjera ligj zbatuese do të kërkojë ndëshkimin me forcën e ligjit për çdo abuzues, gjithashtu menjëherë janë marrë të gjitha masat për riparimin e këtij dëmi duke kthyer në normalitet gjendjen e urës”.
Më tej, Autoriteti Rrugor Shqiptar u bën thirrje të gjithë qytetarëve të denoncojnë çdo rast abuzues, për të bërë të mundur reagimin në kohë dhe marrjen e masave për të mos pasur asnjë problematikë në akset rrugore.
