Automjeti i një efektivi të policisë së Shkodrës është djegur mbrëmjen e 27 prilli. Makina i përket oficerit të policisë Dritan Turhani, i cili e kishte parkuar automjetin pranë banesës së tij në lagjen Perash të qytetit të Shkodrës.
Sapo ka parë që makina e tij është përfshirë nga flakët ai ka lajmëruar në sallën operative ndërsa kolegët kanë filluar me hetimin e ngjarjes. Janë të paqarta arsyet e djegies së këtij mjeti ndërsa dyshohet se është një ngjarje e qëllimshme dhe ka lidhje me detyrën e punonjësit të forcave operacionale.
Oficeri Turhani ka deklaruar se nuk ka konflikte me kënd ndërsa policia dyshon se kjo ngjarje mund të ketë ardhur për shkak të detyrës.
