Drejtoresha e Operatorit të Shërbimit Shëndetësor në Shkodër të cilës sot iu vendos një sasi tritoli poshtë mjetit në rrugën “Vojo Kushi” është njoftuar nga policia për ngjarjen.
Kuka mori detyrën vetëm disa muaj më parë, konkretisht në 16 maj 2022. Në muajt e parë të punës, duket se drejtoresha është futur në telashe me persona ende të paidentifikuar, pasi sot i shpëtoi një atentati.
Fatmirësisht, lënda plasëse u pikas para se Kuka të hipte në makinë dhe për pasojë nuk ka shpërthyer e nuk është realizuar atentati. Forcat xheniere e shpërthyen në mënyrë të kontrolluar, por nuk dihet ende nëse arsyeja e përgatitjes së këtij atentati ka të bëjë me detyrën e Kukës apo me ndonjë konflikt personal që mund të ketë pasur e reja.
Ajo ka deklaruar se për ngjarjen u informua nga policia, teksa zhvillimet më pas i ka ndjekur nga media. Policia ka njoftuar dhe drejtoreshën për ngjarjen, duke i kërkuar që të largohet bashkë me stafin nga institucioni.
