Biznesmeni shqiptar, Rezart Taçi, foli sot për emisionin “Politiko” për të hedhur dritë mbi tymnajën e ngritur pas akuzave se ka bashkëpunuar me njerëz të Cosa Nostra-s për pastrim parash.
Taçi hodhi poshtë të gjitha akuzat duke thënë se ai nuk ka bërë asgjë nga ato që thuhen në media, dhe se nuk ka dhënë ndihmë për askënd.
Pjesë nga intervista:
Alfred Lela: Ju jeni shpallur në kërkim nga SPAK. Si e morët vesh lajmin? Cili është reagimi juaj.
Taçi: Informacionin fillimisht e mora nga mediet dhe pastaj nga avokatët. Kuptohet se si mund të reagojë një person ndaj një akuze të tillë. Sa i përket pozicionit tim. Para 2-3 muajsh një miku i imi që kam bashkëpunuar vetëm 25 vitesh më parë. Operon në sektorin e karburanteve. Një ekonomist në Milano kërkon të hapë një llogari në Shqipëri për një klient.
Alfred Lela: Pse duhet ndërmjetësim ndërkombëtar për të hapur llogari
Taçi Nuk është ndërmjetësim. Ky person kërkon të hapë llogari bankare.
Alfred Lela: Pse besonte Italia se ishit ju që ia jepnit eksesin.
Taçi: Zotëria njeh rastësisht një person që është edhe miku im. Daniele më thotë a ka mundësi të na ndihmosh i thashë shkoni në Shqipëri. Nuk ka skenar unë nuk i njoh. As ekonomistin as tjetrin. Nuk kam as bashkëpunim ekonomik as personal.
Alfred Lela: Çfarë komenti keni për dosjen e Palermos?
Taçi: Dikush në mënyrë ligjore transferon para nga Zvicra. Dmth i ka konsideruar të pastra, i transferon në Shqipëri. Unë nuk kam përfitim dhe nëse do kisha nga aktiviteti ekonomik, mbi çfarë baze kam implikuar në institucione.
Alfred Lela: Pse duheshin 11 telefonata në ditë sipas Palermos.
Taçi: Nuk jam unë të certifikoj është e ligjshme apo jo. Nuk kam rol institucional diku. Prokuroria ta çertifikojë ku është produkti i veprës penale që kam bërë.
Alfred Lela: Pse SPAK-u iu ka shpallur në kërkim?
Taçi: Shikoni dosjen dhe gjeni një provë apo diçka që unë kam bërë. Iu them se paratë kanë ardhur nga Zvicra dhe kjo e fundit thotë se janë të pastra. Vij në Shqipëri shihen para të pista. Ka mbi 15 vite që ushtrohen presione të ndryshme, është persekutim i vazhdueshëm.
Alfred Lela: Nuk iu bëri përshtypje shuma 18 milionë euro për t’u transferuar
Taçi: Mund të jenë edhe më shumë. Derisa është bërë një transfertë ligjore nga Zvicra, ky hyn gjykimi im këtu? Nuk është bërë asnjë gjë e paligjshme.
Alfred Lela: Pse kishte drojë nga italianët dhe nëse bllokoheshin thoshin do e bëjë Rezarti
Taçi: Është problemi i tyre. Unë jam shpallur në arrest ndërkombëtar pa bërë asnjë shkelje. Nëse zotërinjtë kanë fshehur para dhe shteti italian ua ka quajtur të ligjshme, atëherë është problemi i Zvicrës.
Alfred Lela: A keni ndërhyrë te presidenti i Malit të Zi të ngjashëm me këtë
Taçi: Absolutisht jo. Nuk i kam kërkuar asnjë favor.
Alfred Lela: Do të ktheheni në Shqipëri për t’u përballur
Taçi: Do të kthehem. Ndiqeni dosjen dhe më gjeni vetëm një provë nëse jam pjesë e një strukture kriminale dhe akoma më shumë pjesë e ‘Cosa Nostra-s’. Ky është persekutim që ka vazhduar, do vazhdojë.
Taçi: Keni përmendur edhe ish-ministra
Kur ti në një shoqëri shqiptare operon në mënyrë të pavarur, nuk lobon për të kërkuar avantazhe, iu jep hapësirë të tjerëve të merren me punët e tua. Në vitin 2013 për shkak të një lidhjeje familjare me presidentin Biden, i kam kërkuar motrës së tij dhe në vitin 2013 ajo ka ardhur në Shqipëri. Kërkoi nga kryeministri i asaj kohe, Sali Berisha që të Rezart Taçi të mos persekutohet në mënyrë të padrejtë nga institucionet shtetërore.
