Lirohet nga burgu ish-deputeti i PS-së, Alqi Bllako, i cili prej disa kohësh po qëndronte në qeli pasi dyshohet si i implikuar në skandalin me inceneratorët.
Mësohet se gjykata vendosi caktimin e masës “arrest shtëpie” për Bllakon, i cili ishte pas hekurave pas akuzave për shpërdorim detyre dhe korrupsion për inceneratorin e Fierit.
Bllako nga qelia e burgut kërkoi disa herë ndryshimin e masës, pasi pretendon se nuk ekzistojnë kushtet ligjore për një masë sigurie ekstreme si ajo e “arrestit me burg”.
